ما تحبنيش

ما تحبنيش على فلوسي ... خاطرها ما تكفيش
ما تحبنيش على كادواتي ... خاطرني ما نهديش

اما حبني على قلبي ... باهي و كبير و يستحق كل خير

نعرف لي هو ما يززيش ..

تعْرف ؟ أقعد غادي ما تجينيش ، ماتّعبش روحك و ما تحبّنيش ..

رأي شخصي

بربي سامحوني توا نحن شباب تونس مش نحبو نعيشو في الاوروب و نعرسو بڨاورية ؟
فيبالكم الڨاورية لي بش تعرسو بيها بش تلقاوها فيارج ؟
فيبالكم كل طفلة في الاروب بدون استثناء و دوب ما تبلغ و نهارت لي تعمل اول واحد تقول لصاحباتها و امها و بوها و يباركولها الناس لكل و كان لزم يعملولها حفلة 
و فيبالكم الطفلة في الاوروب كي تفوت الستاش سنة و تبقى فيارج تجيها ديبريسيون و عادي تنتحر
انا نحب نفهم علاش نهار لكل تنبرو على الحكاية هذه و كيفاش البنات يغرزو في تونس 
بالرسمي شي يوقف المخ كي تشوف واحد يحب يلحم ڨاورية مطرشقة اصل و متاعها يدخل دبوزة ڨارصي بالعرض و فادد كيفاش لبنات في تونس يغرزو و يلصقو
كي تشوف الناس هوني كيفاش تخمم و قداش مربطة و مخاخها ملحمة نعطيهم الحق بش يعملو لي يساعدهم و الشي هذا عمرو ما كان غشة خاطر اللي يحب يضحي و يحب بكل شي بالباهي بالخايب
ما نلومش عليكم نلوم على البنات اللي يلتجؤو للحكايات هذه و يبررو اغلاط صارو في الماضي
خاطر بالنسبة ليا تبداشي عدات عمرها الكل تقحب و مفماش مواطن تونسي او ليبي ما عطاهولهاش
و جاو وقت و ندمت و تبدلت و انا نحبها و حاسس بيها و هي تحبني ما يهمنيش في الماضي متاعها اللي يهمني هو الحاضر !!
ما نعرفش اس كو انا هو متخلف و هوما عندهم الحق و الا انا لي عندي الحق و هوما المتخلفين !!

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

22 دولة عربية
10 فى افريقيا: مصر ليبيا ألسودان الجزائر تونس المغرب موريتانيا جيبوتي الصومال جزر القمر
12 فى آسيا وهي : فلسطين ألاردن لبنان سوريا العراق الكويت قطر الامارات البحرينءعمان اليمن السعودية
عددنا 340 مليون
# مصر: 94 مليون ساكن عدد اللغات : 1 لغة واحدة و عدد الديانات : دين واحد رسمي يمثل 95 % من عدد السكان و 4 % مسيحيين و 1 % او اقل يهود يعني 3 ديانات منها واحدة فقط رسمية
و النتيجة : حرب بين المسلمين و المسيحيين
حرب بين المسلمين و الاسلاميين
حرب بين المسلمين و اليهود
حرب بين المسيحيين و اليهود
حرب بين الاسلاميين و اليهود
حرب بين المسلمين و بين الطوائف
حرب بين العلمانيين و الاسلاميين
حرب بين جماهير كرة القدم و الالاف من القتلى بين الجماهير و حالات اعدام متعددة
اغتيالات سياسية و تفجيرات و احزمة ناسفة
على فكرة الحضارة المصرية هي اقدم حضارة على وجه الكرة الارضية
# السودان عدد السكان : 40 مليون ساكن اللغة : 1 لغة واحدة وهي العربية عدد الديانات الرسمية : 1
و النتيجة :
حرب اهلية و تقسيم السودان الى دولتين : دولة جمهورية السودان و دولة جنوب السودان
حرب بين الاحزاب الطائفية
حرب بين الاخوان المسلمين و المدنيين و مجازر دموية كبيرة
حرب بين اليساريين و الاخوان المسلمين و الشرطة العسكرية
دولة غنية بالنفط بها نسبة فقر و مجاعة عالية
# الجزائر : 35 مليون ساكن لاكبر بلد افريقي و عربي من حيث المساحة اللغة : 1 و هي العربية الديانات : ديانة رسمية واحدة
النتيجة :
حروب بين الطوائف في الجزائر :
الحرب الطائفية بين الامازيغ و العرب
حرب الإباضيين والمالكيين الاخيرة في شهر رمضان و بعد صلاة التراويح و التي راح ضحيتها ما لا يقل عن مقتل 22 شخصا وجرح ما يزيد عن 700 فرد، بينهم عشرات من قوات الشرطة
ارهاب و حروب بين الاسلاميين و المسلمين
نسبة بطالة و فقر انتج عنها نسبة كبيرة من الاناس الذين يغادرون الجزائر في اتجاه سوريا و افغانستان و حتى المسؤول عن احداث 11 سبتمبر هو جزائري
‫#‏العراق‬ عدد السكان 30 مليون ساكن و عدد اللغات : لغة واحدة و عدد الاديان : دين واحد
و النتيجة :
حرب اهلية بين المسلمين و المسيحيين
حرب اهلية بين طواف المسلمين بين الشيعة و السنة
حالات اعدام في وسط الطريق و مجازر دموية لا يرثى لها
منافاسات في ابشع طرق القتل بين الجيش السوري و داعش
دولة من انتاج السعودية تسفك الدماء و تاكل الاكباد و تضن انها اسلامية
افرادها بين سوريين و سعوديين و تونيسيين غسل دماغهم و تم اغرائهم بالمال من اطراف من السعودية و وعدهم بالابتعاد عن حياة الفقر في بلادهم و من جميع الدول العربية
# ليبيا : 6 مليون ساكن عدد اللغات : لغة واحدة عدد الديانات : دين رسمي واحد
و النتيجة : حروب بين الاسلاميين و المسلمين
ثورة تغير مسارها و افرزة مجموعات تكفيرية تسفك الدماء و تقتل كل من لا ينتمي لها
تقسيم للدولة الى حكومات متعددة و كل حاكم يعتقد نفسه هو الشرعي و قبائل خارجة عن القانون تحكم نفسها بنفسها
انتشار الاسلحة و في كل البلاد و لدى جميع المواطنين و اصبحت ليبيا بئر للارهاب نحو بقية العالم
# تونس : 10 مليون ساكن عدد اللغات : لغة واحدة عدد الديانات دين رسمي واحد
و النتيجة :
حرب اهلية بين الاسلاميين و العلمانيين ، حرب اهلية و مواجهات سرية بين الاحزاب و حالات اغتيال عديدة ،
ارهاب و مجازر في حق السياح المسيحيين و تحطيم كلي للقطاع السياحي الذي يمثل 70 % من الاقتصاد التونسي ، نسبة فقر و بطالة عالية جعلت من تونس بئر للارهاب

# الهند: عدد الديانات 180 عدد اللغات 347 .. عدد سكانها مليار و 210 مليون و 193 الف و 422 ساكن و هي الثانية من حيث عدد السكان في العالم 17 % من سكان العالم
و النتيجة :
السماء زرقاء و العصافير تزقزق
# باكستان: عدد الديانات 78 اللغات 120 ... عدد سكانها 181 مليون و 327 الف ساكن هي سادس دولة من حيث عدد السكان في العالم
و النتيجة :
السماء زرقاء و العصافير تزقزق
# الصين: عدد الديانات 70 واللغات 67 ... مليار و 339 مليون ساكن و هي الاولى في العالم من حيث عدد سكان العالم 19.17% من مجموع سكان العالم
و النتيجة :
السماء زرقاء و العصافير تزقزق
# كازخستان: 147 قومية و40 ديانة و32 لغة .. عدد سكانها 20 مليون ساكن
و النتيجة :
السماء زرقاء و العصافير تزقزق
# الفرق اننا مختلفين مفككين نعيش في حروب وكلآ منا يريد الكوكب له وحده وهم متسامحين يعيشون في سلم وانتعاش اقتصادي وثقافي وحضاري مع العلم ان معظمنا عرب # مسلمون... !!

((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))

أخرجوني من بلدكم

بش نقلكم حاجة و ما تتغشوش

تتذكرو نهار لي قتلو 41 توريست في سوسة ؟ نهارتها انا مازلت كي قمت الصباح و قلت للشايب شفما جديد ياخي خرجت بلاكة عاجل في الوطنية

نهار لي صارت احداث باردو انا وقتها بايت بحذا صاحبي في خزندار 

نهار لي ماتو الجنود في الڨصرين وقتها انا غادي و نخدم في الكنترا و بالامارة انا مازلت كي قلت ربي يخليلنا الجيش الوطني و نشوف في الناس تجري

ماتش تونس و الرأس الأخضر كان أول مرة نمشي فيها للستاد

نزيدكم زيادة لي انا دوب ما دخلت نخدم في وتيل و التوريست لي في تونس لكل هربو

كاني حكومة باهية تو تطيشني في بلاد من بلدان الغرب الكافر 

انا نقظي عليهم بالاشعة متاعي و تونس تستغل الفرصة و تولي بلاد غنية فيها ناطحات سحاب و عادي عاللخر تهز الكوب دي موند

تخيلو العالم الكل بلاد وحدة

تخيلو العالم الكل بلاد وحدة و العالم الكل عايش لباس من غير حروب و من غير راسيزم ، مسلمين يهود مسيحيين لا ديينيين ملحدين بيض كحالش قمحيين هنود عرب غرب صينيين ،لكلنا نعيشو في حومة وحدة ، تخيلو الناس الكل تصبح على بعضها ، الناس لكل ديما تضحك ، الناس لكل نحبو بعضنا ، تخيلو ربي صنع الاديان فقط بش يختبر انسانيتنا !! تخيلو مفماش حدود و مفماش لا صور بين امريكا و المكسيك و لا صور بين تونس و ليبيا ، ارضنا غنية و واسعة و نجمو نعيشو فيها العالم الكل لباس و كل واحد مهما كان دينو او تفكيرو من حقو بش يعيش حياة حرة و كيما يحبها هو ، هذا لازم يكون قانونا و لازم نعرفو لي الانسانية اهم من الاديان و الكافر هو اللي ما عندوش قلب ، الكافر هو اللي قلبو مليان بالحسد ، الكافر هو اللي يعدي حياتو يكره و يبغض في الناس ، الكافر هو اللي يقتل ببرودة دم !!
لازم كل بلاد في كل نقطة في العالم تحاول تبني جيل جديد مش كيف جيلنا و الجيل لي قبلنا لازم نعلمو صغارنا كيفاش يحبو غيرهم كيفاش يحنو على بعضهم لازم نعلموهم لي لونو اسود عمرو ما كان عبيد ، لي عينيه زرق و جاي من الغرب عمرو ما كان عنصري و العربي عمرو ما كان ارهابي ، الناس تفرق على بعضها والخير والشر في كل بلاصة، لازم نقريوهم مادة و نسميوها الانسانية خاطر ما نتصورش فما تربية اسلامية من غير انسانية !خليونا نكافحو، خليونا نحاولو نبنيو جيل و عالم جديد من غير كره ، من غير قتل من غير حروب منغير سفك دماء ، خليونا نحبو بعضنا ، خليونا نهدمو لحدود و الحواجز العرقية ، خليونا نتخلصو من البغض و الشتم و الحسد و التمييز العنصري ، خليونا نبني عالم الحب ، عالم حب لغيرك ما تحبه لنفسك !!
خليونا نتحدو الناس لكل !!

حوار بيني و بين صديق من سوسة

-حل الشيشمة 

-شنحل ؟
-هذه تتسمى شيشمة
-اه سبالة تقصد
-اييه
-باهي ويني الشيقة !!
-شنية !!
-شنية هههههههههههههه حلوة هذه شنية !! الشيقة لي يمسحو بيها القاعة
-اه تقصد الخيشة!! اهيكا بحذا السطل
-اهيكا !!! ههههههههه شبيكم مرخوفين برشة !! اهيكا !! الصحيحة اواهي و متاع رجال مش كيف اهيكا!!
-انا لي مرخوف ؟؟
-اي نتوما قلو انا !!! انا ولد اريانة ههههههه
تكلم صفاقسي من غادي
-اي برجولية عندو الحق مرخوفين برشة و تتكلمو بالحلّة !!

موضوع و نتمنى الناس لكل تشارك بكلمة

تهبط للعاصمة الناس لكل تلبس مليح تقشش تريق تهون على رواحها من زارا لبرشكة و غالكسي و آيفون و ميريت و في جيوبهم 200 فرنك و تلقاه بوه انسان مزمر ما عندوش و مرهون

في الجنوب تلقاه يخدم في الكونترا و عندو 7 مليارات في البانكا و نهار الكل البانكا تلحلح و تبشبش بيه بش ما يجبدش فلوسو و هو يسوق في بسكلات و نهار لكل يترشف في التاي تحت الزيتونة

في الساحل تلقاه في شلاكة أديداس 3 بوند يترشف في فيلتر و يتكيف في البين و هو مولى 6 عمارات و زوز تكسيات.. يتكيف في الكرالا و هو مدير !! ..

في صفاقس تلقاه على دراجة هوائية يسري من الفجر و هو مولى زوز معامل و يبني في الثالث..

في المناطق الداخلية تلقى عندهم أرض 7000 هكتار و هابطين للولايات الكبرى يخدمو في معامل على جرد 400 دينار .. 

علاش زعمة القراوة مكروهين في سوسة المنستير كان ما جاش فاهم برشة يفسدو و يتجلطمو و نهار الكل يشريو في المشاكل !! باهي علاش رجال الجنوب محبوبين في العاصمة رغم لي الجلامة مكروهين كان مش من مشاكلهم و تجلطيمهم عالناس !! علاش عرفي الجندوبي نهار لكل يذل في ولد بلادو لي هو زميلي و انا البراني يحبني و يسايسني رغم لي انا ابخل منو و جالغ اكثر منو !!

كان تمشي للبحر في المستير الناس لي يعومو فيه مش مساترية و تشوف الكوشات و الوسخ و قشور البطيخ و الدلاع في كل بلاصة و كي تهبط لسوسة و تشوف مكثرية الناس لي تبراكي و تشري في المشاكل و تتجلطم ماهمش سواحلية تو تفهم لي كلامي

صحيح ما لزمش ارنب تكر على حلوف اما علاش ديارنا نضفوها و ديار الناس نبولو فيها !! 

بش نكونو متفاهمين راني نقدر الناس الكل و براسك مخالط ناس من تونس الكل و اللي يحكي معايا كلمتين يحبني خاترني نقدر

كيفاش بش نجمو نحبو بعضنا و نحنا مخاخنا واقفة و ما نقدرو حد و في عوض ما كي نمشيو ضياف نخليو الناس تحبنا نتصوقتو و نخليو الناس تكرهنا !!

علاش ما نربيوش رواحنا !!