تحية

نحب نحيي ولد حومتي لي يعيش في المانيا خاطر قتلو وقتاش مروح قلي ينعن زك ام اكا لبلاد معادش راجعلها ، نحب نحيي كل شاب تونسي فادد من حياتو و يحب يطير لاوروبا ، نحب نحيي كل طفلة خرجت من القراية و عايشة حياتها تخدم على امها و بوها و خواتها ، نحب نحيي كل راجل يبيع في الكاكي و الستيلوات في التران ، نحب نحيي كل مرا تخدم في المعامل و تنضف في الديار بش تعيش ولادها ، نحب نكرم كل بو يخدم في المرمى و كل أم سمعت لكلام من عند اللي ما يسواش و سكتت على خاطر ولادها ، نحب نحيي كل راجل يخمم كان في اليوم و ناسي غدوة ، نحب نحيي كل مرا وقفت مع راجلها في الباهي و خايب و عمرها ما شكات بيه ، نحب نحيي كل انسان متربي ، نحب نحرق كل واحد يغزر في المراية ينسى حقيقتو، نحب نحرق كل سمينة محشيّة في دجين تتبختر تمغظ في اللوبان ، نحب نحرق كل راجل يخلي ولادو جواعة و كل يوم يقمّر في القهاوي ، نحب نحرق كل راجل يبعث مرتو تخدم في المعامل حتّى نصّ اللّيل ومبعد يفكّلها شهريّتها ، نحب نحرق كل تاكسي توقفو مرا كبيرة ياقفلها في زك عبلة و يخليها تجري وراه ، نحب نحرق كل خضّار يشري الفلفل ب250 و يبيعو ب2200 ، نحب نحرق كل معلم و كل استاذ و كل مربي و كل عامل في القطاع العام يعتصم و يوقف البلاد خاطر يحب يزيد في شهريتو ، نحب نحرق كل كرزة فيبالو ينجم يشري الناس لكل بفلوسو و كل طفلة متكبرة فيبالها الرجولية فلوس و كراهب ، نحب نحرق كل راجل يطيش والديه في دار مسنين و كل طالب صحتو لباس عليها و نهار لكل يتسول تحت الجوامع ، نحب نحرق كل راجل شهريتو راس الشهر يمدها لمرتو و يبقى يتشحت فيها بش تمدلو حق باكو دخان ، نحب نحرق راجل مرتو تتحكم فيه و تحرش فيه على امو و بوه و خواتو و هو ماشي معاها و كل خوات يتعركو على ارث ، نحب نحرق الفلاحة الكل و السمسارة الكل و اللواجيستية الكل و التوانسا في فرنسا لكل و كل واحد كونط البانكا متاعو فيه ملاين و نهر لكل يGحف في سيGارو