من احلى ذكريات طفولتي
كنا كي نتلماو في الحومة و نلعبو غميضة مسكين لي تجي فيه بش يغمض نفصعو بيه نخليوه مغمض و نمشيو لحومة اخرى نوقزو عالديار ، ديما لي معايا يفصعو و كان انا نتشد ناكل طريحة
نزدمو على شجر البوصع و التوت و ندخلو حتى للديار نعبيو و ناكلو
حتى مرة تفاهمنا بش نعبيو ساشيات توت سرقنا ڨاجوات من عند الخضار و حطيناهم في السوق نهار الخميس نبيعو فيهم
فما جماعة في حومة بحذانا ديما يكورو في نهجهم كل يوم نزدمو عليهم نفكولهم كورتهم و نصطحوها ، نشدو زوز نقولولهم تعاركو و هوما مساكن ياكلو بعضهم و نحنا نضحكو و نتفرجو
كل ليلة العيد نهبطو لبو منديل نشريو فوشيك و نطيشوهم في دار طفل ولد حومتنا كرزة ، نطيشوهم و نركشو في راس النهج نشطحو و ام الطفل و بوه يغزرولنا ، ولدهم يجيبلنا لفلوس و يقلنا شدو خوذو المهم ما تطيشوش الفوشيك في دارنا
السوق بحذانا في الحومة نخرجو نلقاو فروخ شادين الباركينڨ نضربوهم و نطردوهم ، ناخذو بونوات من المكتبة و نجيبو كراسي من ديارنا و نشدو عصي و نركشو ، و في اخر الليل نمشيو ناخذو بيتزا و كسكروتات و ڨازوز
عندي ولد خالي سمين و ما نتذكرش نهار روحت خاسر في البيس و كي نشوفها تهردت نمشي نعيطلو يفكلهم بيساتهم الكل و يمدهملي ، كل يوم نروح لدارنا ركايب السروال بيض من الغبرة و الطباعي و انا نهار الكل في القاعة و على ركايبي نلعب في النفخان و السروال لي ناخذو ما يشدنيش جمعة و يتقطع
يا حسرة كان عندي كرابون ديادورا لتوا نتذكر منضرو 4 سنين نرقد بيه نقرى بيه نخرج بيه نكور بيه ما يتنحاش من ساقي من كثرة ماني فرحان بيه و نتذكر نهار لي تقطع كيفاش شريت رولو سكوتش و لفيتو بيه و وليت كل ما نمشي نكور نهز معايا الرولو ، السكوتش يتهرى في وسط التكويرة و انا نعاود نلفو منّا
كنت كل ما نخرج من دارنا بش نقضي او بش نقرى ديما الكورة فوقي و نهار الكل في الكياس نجري نشوط في كرة ، حتى مرة ولاد الحومة لكبار شافوني كوارجي و مغروم بالكورة هزوني نكور في الجمعية و نتذكر نهار احد صباح انا في وسط التكويرة نلعبو كنتر جمعية اخرى و زدمت عليا الوالدة في وسط التكويرة و دخلت لوست التيران تسوق فيا بالكف و قالت للي يراني فينا معادش تقبلو ، معدلاتي وخرت و امي كان ماشي فيبالها لقراية هي كل شي
كنا كي نتلماو في الحومة و نلعبو غميضة مسكين لي تجي فيه بش يغمض نفصعو بيه نخليوه مغمض و نمشيو لحومة اخرى نوقزو عالديار ، ديما لي معايا يفصعو و كان انا نتشد ناكل طريحة
نزدمو على شجر البوصع و التوت و ندخلو حتى للديار نعبيو و ناكلو
حتى مرة تفاهمنا بش نعبيو ساشيات توت سرقنا ڨاجوات من عند الخضار و حطيناهم في السوق نهار الخميس نبيعو فيهم
فما جماعة في حومة بحذانا ديما يكورو في نهجهم كل يوم نزدمو عليهم نفكولهم كورتهم و نصطحوها ، نشدو زوز نقولولهم تعاركو و هوما مساكن ياكلو بعضهم و نحنا نضحكو و نتفرجو
كل ليلة العيد نهبطو لبو منديل نشريو فوشيك و نطيشوهم في دار طفل ولد حومتنا كرزة ، نطيشوهم و نركشو في راس النهج نشطحو و ام الطفل و بوه يغزرولنا ، ولدهم يجيبلنا لفلوس و يقلنا شدو خوذو المهم ما تطيشوش الفوشيك في دارنا
السوق بحذانا في الحومة نخرجو نلقاو فروخ شادين الباركينڨ نضربوهم و نطردوهم ، ناخذو بونوات من المكتبة و نجيبو كراسي من ديارنا و نشدو عصي و نركشو ، و في اخر الليل نمشيو ناخذو بيتزا و كسكروتات و ڨازوز
عندي ولد خالي سمين و ما نتذكرش نهار روحت خاسر في البيس و كي نشوفها تهردت نمشي نعيطلو يفكلهم بيساتهم الكل و يمدهملي ، كل يوم نروح لدارنا ركايب السروال بيض من الغبرة و الطباعي و انا نهار الكل في القاعة و على ركايبي نلعب في النفخان و السروال لي ناخذو ما يشدنيش جمعة و يتقطع
يا حسرة كان عندي كرابون ديادورا لتوا نتذكر منضرو 4 سنين نرقد بيه نقرى بيه نخرج بيه نكور بيه ما يتنحاش من ساقي من كثرة ماني فرحان بيه و نتذكر نهار لي تقطع كيفاش شريت رولو سكوتش و لفيتو بيه و وليت كل ما نمشي نكور نهز معايا الرولو ، السكوتش يتهرى في وسط التكويرة و انا نعاود نلفو منّا
كنت كل ما نخرج من دارنا بش نقضي او بش نقرى ديما الكورة فوقي و نهار الكل في الكياس نجري نشوط في كرة ، حتى مرة ولاد الحومة لكبار شافوني كوارجي و مغروم بالكورة هزوني نكور في الجمعية و نتذكر نهار احد صباح انا في وسط التكويرة نلعبو كنتر جمعية اخرى و زدمت عليا الوالدة في وسط التكويرة و دخلت لوست التيران تسوق فيا بالكف و قالت للي يراني فينا معادش تقبلو ، معدلاتي وخرت و امي كان ماشي فيبالها لقراية هي كل شي
في صغري كنت نهار لكل نضرب في الصغار و كل يوم مرا جايا لدارنا تشكي بيا لامي ضربتلها ولدها
ياحسرة تقول مش انا الطفل هذاكا
Aucun commentaire:
Enregistrer un commentaire